maharashtraprimenews
ठळक बातम्या
Breaking newsgeneralPublic Interest

पेटीएम एफएक्‍यू: पेटीएम अॅप, क्‍यूआर, साऊंडबॉक्‍स, कार्ड मशिन्‍स १५ मार्चनंतर देखील कार्यरत राहणार; वापरकर्त्‍यांना यासंदर्भात काय माहित असणे आवश्‍यक आहे

पेटीएम ही भारतातील आघाडीची पेमेंट्स व आर्थिक सेवा कंपनी वापकरर्त्‍यांना आणि मर्चंट्सना एकसंधी पेमेंट अनुभव देण्‍याप्रती कटिबद्ध आहे. नुकतेच करण्‍यात आलेल्‍या घोषणेमुळे वापरकर्त्‍यांच्‍या मनात पेटीएम अॅपच्‍या कार्यक्षमतेबाबत प्रश्‍नं निर्माण झाले असतील. वापरकर्ते व मर्चंट्सनी लक्षात घ्‍या की पेटीएम अॅप कार्यरत आहे आणि १५ मार्च २०२४ नंतर देखील कार्यरत राहिल.

पेटीएमचे प्रवक्‍ता म्‍हणाले, ”आम्‍ही आघाडीच्‍या संस्‍थांसोबत सहयोगाने आमचे आर्थिक सेवा वितरण व्‍यासपीठ विस्‍तारित करत आहोत. पेटीएम देशभरातील वापरकर्त्‍यांसाठी सर्वसमावेशक नेक्‍स्‍ट-जनरेशन आर्थिक इकोसिस्‍टम निर्माण करण्‍याप्रती कटिबद्ध आहे.”

1. पेटीएम अॅप आणि त्‍यांच्‍या सेवा १५ मार्चनंतर देखील कार्यरत राहतील का?
होय, वापरकर्ते कोणत्‍याही व्‍यत्‍ययाशिवाय पेटीएम अॅपवरील सेवा वापरणे सुरू ठेवू शकतात.

2. पेटीएम क्‍यूआर कोड, साऊंडबॉक्‍स, कार्ड मशिन्‍स विनासायास कार्यरत राहतील का?
होय, पेटीएम क्‍यूआर कोड्स, साऊंडबॉक्‍स आणि कार्ड मशिन्‍स पूर्णपणे कार्यरत राहतील. यामधून दैनंदिन व्‍यवहारांसाठी या सेवांवर अवलंबून असलेल्‍या लाखो वापरकर्त्‍यांना व मर्चंट्सना सातत्‍यपूर्ण सोयीसुविधेची खात्री मिळते.

3. मी पेटीएम अॅपवर इतर सर्व सेवा जसे चित्रपट, इव्‍हेण्‍ट्स, प्रवास (मेट्रो, फ्लाइट, ट्रेन, बस) तिकिटे बुकिंग्‍ज यांचा लाभ घेणे सुरू ठेवू शकतो का?
पेटीएम अॅपवरील इतर सर्व सेवा जसे चित्रपट, इव्‍हेण्‍ट्स, प्रवास (मेट्रो, फ्लाइट, ट्रेन, बस) तिकिटे बुकिंग्‍ज पूर्णपणे कार्यरत राहतील.

4. मी पेटीएम अॅपवर मोबाइल/इंटरनेट रिचार्ज करणे, युटिलिटी बिल भरणे आणि इतर सेवा सुरू ठेवू शकतो का?
वापरकर्ते पेटीएम अॅपच्‍या माध्‍यमातून त्‍यांचे मोबाइल फोन, डीटीएच किंवा ओटीटी सबस्क्रिप्‍शन्‍स रिचार्ज करणे आणि सर्व युटिलिटी बिल भरणे (वीज, पाणी, गॅस, इंटरनेट) सुरू ठेवू शकतात.

5. मी पेटीएम डिल्सवर रेस्‍टॉरंट ऑफर्सचा फायदा घेणे सुरू ठेवू शकतो का?
होय, पेटीएम डिल्‍स १५ मार्चनंतर देखील पूर्वीप्रमाणे कार्यरत राहतील. वापरकर्ते कोणत्‍याही व्‍यत्‍ययाशिवाय सर्व ऑफर्स व सूटचा आनंद घेणे सुरू ठेवू शकतात.

6. मी पेटीएम अॅपवर सिलिंडर बुक करण्‍यासह माझे पाइप्‍ड गॅस बिल भरू शकतो का, तसेच पेटीएम अॅपवर अपार्टमेंटचे वीजेचे बिल भरू शकतो का?
होय, तुम्‍ही ही सेवा वापरणे सुरू ठेवू शकता.

7. मी पेटीएम अॅपचा वापर करत विमा खरेदी करण्‍यासह विम्‍याचा प्रीमियम भरू शकतो का?
होय, वापरकर्ते पेटीएम अॅपचा वापर करत बाइक, कार, आरोग्‍य अशा बाबींसाठी नवीन विमा पॉलिसी खरेदी करू शकतात, तसेच प्रीमियम्‍स भरू शकतात.

8. मी पेटीएम अॅपचा फास्‍टटॅग खरेदी करू शकतो का, तसेच माझ्या इतर बँकांचे फास्‍टटॅग रिचार्ज करू शकतो का?
होय, आम्‍ही पेटीएम अॅपवर एचडीएफसी बँक फास्‍टटॅग्‍स ऑफर करत आहोत, तसेच इतर सहयोगी बँकांचे फास्‍टटॅग रिचार्ज सेवा देखील देत आहोत. पण, तुम्‍ही पेटीएम पेमेंट्स बँक फास्‍टटॅग्‍स खरेदी करू शकत नाही, तरीही ते १५ मार्चपूर्वी खरेदी करू शकता आणि शिल्‍लक संपेपर्यंत वापरू शकता.

9. इक्विटी, म्‍युच्‍युअल फंड्स आणि एनपीएसमधील माझ्या गुंतवणूका सुरक्षित आहेत का?
होय, पेटीएम मनीसह ग्राहकांच्‍या इक्विटी, म्युच्‍युअल फंड्स किंवा एनपीएसमधील गुंतवणूका कार्यरत आहेत. पेटीएम मनी लिमिटेड सेबी-नियामक आणि पूर्णत: अनुपालन करणारी आहे.
10. मी पेटीएम अॅपवर सोने खरेदी-विक्री करणे सुरू ठेवू शकतो का?
होय, तुम्‍ही अॅपवर डिजिटल गोल्‍डची खरेदी-विक्री सुरू ठेवू शकता. तसेच, तुमचे पेटीएम गोल्‍ड इन्‍व्‍हेस्‍टमेंट्स कार्यरत आहेत आणि एमएमटीसी-पीएएमपीसह सुरक्षित आहेत.

11. मी पेटीएम अॅपवर माझे क्रेडिट कार्ड बिल भरू शकतो का?
होय, तुम्‍ही हे बिल भरणे सुरू ठेवू शकता.

12. पेटीएमवरील यूपीआय सेवा १५ मार्चनंतर देखील सुरू राहिल का?
भारतीय रिझर्व्‍ह बँकेने (आरबीआय) नॅशनल पेमेंट्स कॉर्पोरेशन ऑफ इंडिया (एनपीसीआय) ला टीपीएपीसाठी पेटीएमच्‍या विनंतीचे परीक्षण करण्‍याचे निर्देश दिले आहेत. आम्‍ही एनपीसीआयसोबत सहयोगाने काम करत आहोत आणि तुम्‍हाला त्‍यासंदर्भात माहिती देत राहू. https://rbi.org.in/Scripts/BS_PressReleaseDisplay.aspx?prid=57376

13. कोणतीही अडचण न येता माझे पैसे सेटल होतील का?
तुमच्‍या विद्यमान पेटीएम पेमेंट्स बँक लि. खात्‍यामधील सेटलमेंट १५ मार्च २०२४ पर्यंत कोणत्‍याही समस्‍येशिवाय कार्यरत राहिल. खात्‍यामधील शिल्‍लक १५ मार्च २०२४ नंतर देखील काढता येऊ शकते.
पण, आम्‍ही शिफारस करतो की एकसंधी सेटलमेंट्ससाठी इतर बँकांमध्‍ये असलेल्‍या तुमच्‍या इतर कोणत्‍याही बचत किंवा चालू खात्‍यांकरिता पेटीएम पेमेंट्स बँक लि. मधील बिझनेस अॅपसाठी पेटीएममधील तुमचे सेटलमेंट खाते बदला.

14. मर्चंट्स पीपीबीवरून इतर बँकेमध्‍ये त्‍यांचे सेटलमेंट बँक खाते कशाप्रकारे बदलू शकतात?
मर्चंट्स बिझनेस प्रोफाइलच्‍या माध्‍यमातून किंवा मेन्‍यूच्‍या डाव्‍या बाजूस असलेल्‍या सेटलमेंट सेटिंग्ज पर्यायाच्‍या माध्‍यमातून ‘चेंज सेटलमेंट अकाऊंट’ पेज उघडत सेटलमेंट खाते बदलू शकतात. त्‍यानंतर सेटलमेंट अकाऊंटवरील चेंज बटनवर क्लिक करा. शेवटची पायरी म्‍हणजे विद्यमान खाते निवडून सेव्‍हवर क्लिक करा आणि ओटीपी प्रविष्‍ट करा किंवा अॅड ए न्‍यू बँक अकाऊंट ऑप्‍शन निवडा आणि त्‍यानंतर आवश्‍यक माहिती भरा.

Related posts

आंतरराष्ट्रीय ऑन्कोलॉजिस्टना ‘प्रोटॉन बीम थेरपी’ प्रशिक्षण देणारा भारत पहिला देश

Shivani Shetty

एटंेरोहल्ेथकेयरसोल्यशुन्सलिलिटेडनेसबेीकडेडीआरएचपीफाईिकेिे

Shivani Shetty

टाटा मोटर्सकडून चंदिगडमध्‍ये अत्‍याधुनिक रजिस्‍टर्ड वेईकल स्‍क्रॅपिंग फॅसिलिटीचे उद्घाटन

Shivani Shetty

Leave a Comment