भारतातील अभियांत्रिकी विद्यार्थ्यांसाठी इनोव्हेंट हॅकाथॉनच्या तिसऱ्या आवृत्तीचे आयोजन

मुंबई, २६ जून २०२५ : टाटा टेक्नॉलॉजीज, एक जागतिक उत्पाद अभियांत्रिकी आणि डिजिटल सेवा कंपनी, यांनी आज त्यांच्या प्रमुख अभियांत्रिकी नवप्रवर्तन हॅकाथॉन इनोव्हेंट च्या तिसऱ्या आवृत्तीची घोषणा केली, ज्याचे आयोजन ॲमेझॉन वेब सर्व्हिसेस (AWS) यांच्या सहकार्याने केले आहे. मागील आवृत्त्यांच्या यशस्वीतेनंतर, इनोव्हेंट 2026 हा भारतभरातील अभियांत्रिकी विद्यार्थ्यांसाठी मोबिलिटी मूल्य साखळीतील खऱ्या समस्यांवर नाविन्यपूर्ण उपाय शोधण्यासाठी प्रेरणादायी व्यासपीठ आहे. या वर्षीची थीम ‘स्मार्ट मोबिलिटीच्या भविष्याचा नवप्रवर्तन’ भारतभरातील अभियांत्रिकी विद्यार्थ्यांना AI, जनरेटिव्ह AI, IoT, एम्बेडेड सॉफ्टवेअर, क्लाऊड कम्प्युटिंग, डिजिटल ट्विन्स आणि AR/VR यांसारख्या प्रगत तंत्रज्ञानाचा वापर करून मोबिलिटी क्षेत्रातील सर्वात महत्त्वाच्या आव्हानांना उत्तर देणारे प्रभावी उपाय शोधण्यासाठी आमंत्रित केले आहे. हॅकाथॉनसाठीच्या प्रकल्प सादरीकरणांमध्ये मोबिलिटीचे सर्व महत्त्वाचे पैलू समाविष्ट होऊ शकतात, ज्यामध्ये सॉफ्टवेअर-परिभाषित वाहने, AI-समर्थित एम्बेडेड इंटेलिजन्स, मोबिलिटी सिस्टीमसाठी स्वयंचलित AI एजंट्स, एजेंटिक AI आधारित वाहन निर्णय फ्रेमवर्क, शाश्वत मोबिलिटी, बुद्धिमान उत्पादन प्रणाली, कनेक्टेड व सुरक्षित संवाद आणि समृद्ध ड्रायव्हिंग अनुभव यांचा समावेश असू शकतो.

हॅकाथॉन भारतातील तिसऱ्या व चौथ्या वर्षातील अभियांत्रिकी विद्यार्थ्यांसाठी असून, महिला अभियंते व दिव्यांग सदस्यांसह समावेशक सहभागाला प्रोत्साहन देते. मूल्यांकन प्रक्रियेत तीन टप्पे असतील: प्राथमिक पुनरावलोकने, व्हर्च्युअल प्रूफ ऑफ कॉन्सेप्ट (PoC) सादरीकरणे, आणि अंतिम प्रात्यक्षिके. टाटा टेक्नॉलॉजीज उत्कृष्ट प्रकल्प करणाऱ्या संघांना नवकल्पना विकसित करण्यासाठी आवश्यक नवप्रवर्तन साधने आणि तंत्रज्ञान उपलब्ध करून देईल. टाटा टेक्नॉलॉजीजचे विषयतज्ज्ञ (SMEs) सर्वोत्तम संघांना प्रकल्प विकसित करण्यासाठी मार्गदर्शन करतील, तर AWS उत्कृष्ट संघांसाठी AWS क्लाऊड तंत्रज्ञानाचा विशेष प्रवेश आणि प्रात्यक्षिक कार्यशाळा आयोजित करेल, ज्यातून टीमला व्यासपीठाचा अधिक उपयोग कसा करायचा व नाविन्यपूर्ण उपाय कसे विकसित करायचे हे शिकता येईल. प्रकल्पांचे मूल्यांकन विविधता, नाविन्यता, व्यवहार्यता आणि प्रभाव या निकषांवर केले जाईल, ज्यात फिजिकल प्रोटोटाइप्सला विशेष महत्त्व दिले जाईल. मोबिलिटी क्षेत्रात रिअल-टाइम निर्णय घेणे, अनुकूलनक्षम शिक्षण आणि सहकार्याने कार्यांची अंमलबजावणी करण्याच्या दृष्टीने एजेंटिक सिस्टिम्सच्या क्षमतेचे प्रदर्शन करणाऱ्या प्रकल्पांवर विशेष भर दिला जाईल.

उत्कृष्ट कामगिरी करणाऱ्या संघाला एकत्रित ₹४.५ लाखांचे रोख पारितोषिक, टाटा टेक्नॉलॉजीजमध्ये पेड इंटर्नशिप संधी, तसेच सर्वात सर्जनशील प्रकल्प व नाविन्यपूर्ण फिजिकल प्रोटोटाइपसाठी खास पुरस्कार विशेष पुरस्कार मिळणार आहे. प्रकल्प सादर करण्याची अंतिम तारीख ३० जुलै २०२५ आहे.

वॉरेन हॅरिस, व्यवस्थापकीय संचालक-सीईओ, टाटा टेक्नॉलॉजीज म्हणाले,“टाटा टेक्नॉलॉजीज इनोव्हेंट हे उज्ज्वल, स्मार्ट व शाश्वत भविष्य घडवण्याच्या आमच्या सातत्यपूर्ण प्रयत्नांना अधोरेखित करते. AWS बरोबरच्या या सहकार्याद्वारे, आम्ही तरुण अभियंत्यांना अधिक स्मार्ट, स्वच्छ व अधिक कनेक्टेड साठी नाविन्यपूर्ण उपाय शोधण्यासाठी सक्षम करीत आहोत. या वर्षाच्या आवृत्तीतून निर्माण होणाऱ्या असाधारण कल्पनांची मला अत्यंत उत्सुकता आहे.”

सतिंदर पाल सिंग, प्रमुख, सोल्युशन आर्किटेक्चर, AWS इंडिया आणि दक्षिण आशिया यांनी सांगितले,“टाटा टेक्नॉलॉजीजबरोबर इनोव्हेंट च्या तिसऱ्या आवृत्तीसाठी आम्ही सहकार्य करत आहोत याचा आम्हाला आनंद आहे. या हॅकाथॉनमुळे भारतातील तरुण नवप्रवर्तनकारांना मोबिलिटी क्षेत्रातील प्रत्यक्ष समस्यांना तोंड देण्याची संधी मिळते. AWS क्लाऊड तंत्रज्ञान आणि तज्ज्ञ मार्गदर्शन देऊन आम्ही विद्यार्थ्यांना रूपांतरित, स्केलेबल उपाय तयार करण्यास तसेच IoT पासून कृत्रिम बुद्धिमत्तेपर्यंत तांत्रिक कौशल्ये विकसित करण्यास सक्षम करतो, जेणेकरून त्यांना या उद्योगाच्या वाढत्या मागण्यांसाठी तयार करता येईल. या वर्षीच्या सहभागी विद्यार्थ्यांकडून नाविन्यपूर्ण स्मार्ट मोबिलिटी उपायांची आम्ही आतुरतेने वाट पाहत आहोत.”