मुंबई, ८ ऑक्टोबर २०२४: आशियातील सर्वात मोठ्या पर्नोड रिकार्ड इंडियाच्या माल्ट डिस्टिलरी प्रकल्पाचे भूमिपूजन महाराष्ट्राचे उपमुख्यमंत्री श्री देवेंद्र फडणवीस यांच्या हस्ते सोमवारी बुटीबोरी, नागपूर येथे झाले. यावेळी पर्नोड रिकार्ड इंडियाचे सीईओ जॉ टूबूल यावेळी उपस्थित होते. कंपनीने २३ फेब्रुवारी २०२४ रोजी महाराष्ट्र सरकारसोबत केलेल्या सामंजस्य कराराची पूर्तता करण्याच्या दिशेने हे एक महत्त्वाचे पाऊल आहे. हा ऐतिहासिक सामंजस्य करार १० वर्षांच्या कालावधीत अंदाजे १७८५ कोटी रुपयांपर्यंतच्या गुंतवणुकीद्वारे समर्थित, पर्नोड रिकार्डची भारताप्रती असलेली वचनबद्धता अधोरेखित करतो. पर्नोड रिकार्ड इंडिया ही स्पिरिट्स आणि वाईन उद्योगातील जागतिक स्तरावरील अग्रेसर कंपनी आहे.
या सामंजस्य करारावर स्वाक्षरी केल्यापासून, पर्नोड रिकार्ड इंडियाने या प्रकल्पाला पुढे नेण्यासाठी जमिनीच्या खर्चासह सुमारे १००कोटी रुपये गुंतवणूक करण्याचे आश्वासन दिले आहे. कंपनीने ऑपरेशनल आणि बांधकाम नियोजनात उल्लेखनीय प्रगती केली आहे. या सुविधेचे डिझाइन आणि लेआउट तयार झाले आहे. हे प्रयत्न सामंजस्य करारामध्ये नमूद केलेल्या उद्दिष्टांशी सुसंगत आहेत. भारतात जागतिक दर्जाच्या माल्ट स्पिरीटच्या उत्पादनासाठी एंड-टू-एंड क्षमता स्थापित करणे आणि प्रति वर्ष १३ दशलक्ष शुद्ध अल्कोहोलिक लीटर उत्पादन क्षमतेसह आशियातील सर्वात मोठा माल्ट प्लांट तयार करण्याची या प्रकल्पाची कल्पना आहे.
महाराष्ट्राचे उपमुख्यमंत्री, श्री देवेंद्र फडणवीस म्हणाले, “आशियातील सर्वात मोठी माल्ट स्पिरिट डिस्टिलरी आणि मॅच्युरेशन सुविधा महाराष्ट्रात स्थापन करण्यासाठी गुंतवणूक करण्याचा पर्नोड रिकार्ड इंडियाचा निर्णय जागतिक अर्थव्यवस्थेत भारताच्या वाढत्या विकासाला अधोरेखित करतो. हा ऐतिहासिक प्रकल्प, कौशल्य विकास आणि उद्योजकतेला चालना देत शेकडो लोकांना रोजगाराच्या संधी उपलब्ध करून देऊन स्थानिक रोजगारामध्ये महत्त्वपूर्ण योगदान देईल. यामुळे आर्थिक विकासाला गती मिळेल, शेतकरी आणि विविध क्षेत्रांना फायदा होईल, जे गतिशील, वैविध्यपूर्ण आणि आत्मनिर्भर अर्थव्यवस्थेच्या आमच्या दृष्टीकोनाशी पूर्णपणे संरेखित आहे.”
पर्नोड रिकार्ड इंडियाचे सीईओ जॉ टूबूल म्हणाले “भूमिपूजन समारंभ हा एक महत्त्वाचा टप्पा आहे जो भारताच्या विकासाप्रती आमची अटूट वचनबद्धता अधोरेखित करतो. या सुविधेला प्रिमियम स्पिरिटच्या उत्पादनात पर्नोड रिकार्डच्या समृद्ध वारशाचा फायदा होईल. महाराष्ट्राच्या आर्थिक आणि सामाजिक विकासासाठी योगदान देत, या परिवर्तनात आघाडीवर असल्याचा आम्हाला अभिमान आहे. जागतिक अचूकता आणि स्थानिक उत्कटतेने तयार केलेल्या प्रिमियम माल्ट स्पिरीटचे केंद्र म्हणून भारत उदयास येईल असे शाश्वत भविष्य घडवण्याचा आमचा दृष्टीकोन आहे.”
हा प्रकल्प ७०० ते ८०० लोकांसाठी प्रत्यक्ष रोजगार निर्मितीसाठी तयार आहे, ज्यामुळे संपूर्ण क्षेत्रामध्ये अप्रत्यक्ष रोजगाराच्या संधी निर्माण होण्याची अपेक्षा आहे. तसेच या सुविधेमुळे शेतकऱ्यांना उच्च दर्जाची बार्लीची लागवड करण्यासाठी नवीन मार्ग उपलब्ध होतील, ज्यामुळे त्यांच्या जीवनाचा दर्जा सुधारेल आणि कृषी विविधतेला हातभार लागेल. शिवाय, हा उपक्रम कौशल्य विकासावर लक्ष केंद्रित करतो आणि स्थानिक समुदायांमध्ये उद्योजकता आणि नाविन्यपूर्ण संस्कृतीला प्रोत्साहन देतो.
पर्नोड रिकार्ड इंडिया या सुविधेच्या कार्याच्या प्रत्येक टप्प्यावर शाश्वत पद्धती लागू करण्यासाठी समर्पित आहे. या सुविधेमध्ये १००% नूतनीकरणक्षम वीज, कृषी कचऱ्यापासून बायोमासचा वापर केला जाईल आणि त्याचा पर्यावरणीय प्रभाव कमी करण्यासाठी जल-सकारात्मक उपायांचा अवलंब करेल. ही वचनबद्धता भारतीय ग्राहक आणि जागतिक बाजारपेठ या दोन्हींच्या गरजा पूर्ण करणाऱ्या, नाविन्यपूर्ण माल्ट-आधारित हेरिटेज ब्रँड्सचे केंद्र म्हणून भारताला स्थापित करण्याच्या कंपनीच्या दृष्टीकोनाला समर्थन देते.
