मुंबई, ऑक्टोबर, २०२४: भारतातील आघाडीच्या विमा कंपन्यांपैकी एक असलेल्या एचडीएफसी लाइफने सुंदरम फायनान्ससोबतच्या भागीदारीचा विस्तार केला आहे. या सहयोगाच्या माध्यमातून एचडीएफसी लाइफ सुंदरम फायनान्सच्या ग्राहकांना एचडीएफसी लाइफ ग्रुप क्रेडिट प्रोटेक्ट प्लस विमा योजना देऊ करणार आहे. सुंदरम फायनान्सच्या व्यावसायिक वाहन, कार व ट्रॅक्टर्स अशा सर्व कर्ज विभागांतील ग्राहकांना ही योजना देऊ केली जाणार आहे.
१९५४ साली स्थापन झालेली सुंदरम फायनान्स ही सूचित नॉन-बँकिंग वित्तीय कंपनी (एनबीएफसी) आहे. वित्तीय सेवा व उत्पादनांच्या विस्तृत श्रेणीसाठी ती ओळखली जाते. कंपनीकडे भक्कम असेट बेस आहे, आघाडीची क्रेडिट मानांकने आहेत आणि सशक्त मूल्यांच्या पालनाबाबत कंपनीचा लौकिक आहे. कंपनीचे भारतभरात ७००हून अधिक शाखांचे व्यापक जाळे आहे.
एचडीएफसी लाइफ ग्रुप क्रेडिट प्रोटेक्ट प्लस इन्शुरन्स प्लान (HDFC Life Group Credit Protect Plus Insurance Plan) हे कर्जदारासाठी अत्यंत महत्त्वाचे वित्तीय संरक्षण आहे. कर्जदाराचे दायित्व कुटुंबासाठी ओझे ठरणार नाही याची काळजी हे उत्पादन घेते. कर्जदाराचा मृत्यू झाल्यास कर्जाच्या उर्वरित रकमेची संपूर्ण भरपाई विमा कंपनीद्वारे केली जाते. त्यामुळे कुटुंबावर कर्जाच्या परतफेडीचा ताण राहत नाही. त्यामुळे कर्जदाराच्या मन:शांतीची काळजी घेतली जाते आणि कुटुंबाला आर्थिक सुरक्षितता प्राप्त होते. हे उत्पादन कर्जाच्या वेगवेगळ्या प्रवर्गांचा विचार करून विकसित करण्यात आले आहे. हे उत्पादन कर्जदार व कर्जदाता दोघांसाठी लवचिक व सोयीस्कर ठरेल याची काळजी घेण्यात आली आहे.
हा सहयोग म्हणजे आपली स्वप्ने पूर्ण करण्यासाठी धडपडणाऱ्या व्यक्तींना सुरक्षितता पुरवण्याच्या दिशेने टाकलेले एक पाऊल आहे. एचडीएफसी लाइफतर्फे देऊ केली जाणारी आयुर्विमा (life insurance) उत्पादने केवळ ग्राहकांना संरक्षण पुरवत नाहीत, तर त्यांच्या दीर्घकालीन महत्त्वाकांक्षांचेही रक्षण करतात. सुंदरम फायनान्सच्या शाखांच्या विस्तृत जाळ्याच्या लाभ घेत, ही भागीदारी एचडीएफसी लाइफचे अस्तित्त्व अधिक भक्कम करणार आहे आणि आयुर्विमा अधिक मोठ्या ग्राहकवर्गासाठी उपलब्ध करून देणार आहे.
आर्थिक वर्ष २४ मध्ये एचडीएफसी लाइफने ६.६ कोटी जणांना आयुर्विमा पुरवला आणि ९९.५ टक्के व्यक्तिगत दावे निकाली (claim settlement ratio) काढले. त्यातून कंपनीची पॉलिसीधारकांप्रती बांधिलकी दिसून येते.
भारतातील आयुर्विम्याच्या स्वीकृतीचे प्रमाण एकूण राष्ट्रीय उत्पन्नाच्या केवळ ३.२ टक्के आहे आणि संरक्षणातील तफावत सुमारे ९१ टक्के आहे. त्यामुळे आर्थिक संरक्षणाची गरज वाढत आहे. भारतीय विमा नियामक व विकास प्राधिकरण अर्थात आयआरडीएआयने ‘२०४७ सालापर्यंत सर्वांना विमा’ पुरवण्याचे उद्दिष्ट ठेवले आहे. भारतात सर्वांना एकसमान विमा संरक्षण पुरवण्याचे लक्ष्य आयआरडीएआयपुढे आहे.
एचडीएफसी लाइफच्या व्यवस्थापकीय संचालक व मुख्य कार्यकारी अधिकारी विभा पडळकर या भागीदारीबद्दल म्हणाल्या, “सुंदरम फायनान्ससोबत भागीदारी केल्याबद्दल आम्हाला आनंद वाटत आहे. या भागीदारीमुळे सुंदरम फायनान्स आपल्या ग्राहकवर्गाला एचडीएफसी लाइफची आयुर्विमा उत्पादने तसेच एचडीएफसी लाइफ ग्रुप क्रेडिट प्रोटेक्ट प्लस इन्शुरन्स प्लान देऊ शकेल. सुंदरम फायनान्सच्या शाखांच्या भक्कम जाळ्याला आमच्या नवोन्मेष्कारी उत्पादनांची व श्रेष्ठ दर्जाच्या ग्राहकसेवेची जोड मिळेल. या भागीदारीद्वारे आम्हाला देशभरातील व्यक्तींपर्यंत पोहोचता येणार आहे, त्यांचे आयुष्ये व दायित्वे संरक्षित करता येणार आहे आणि त्यांच्या कुटुंबांना आर्थिकदृष्ट्या सुरक्षित ठेवता येणार आहे. आयुर्विम्याच्या क्षेत्रातील आपला प्रवास पुढे चालू ठेवताना आम्ही ‘२०४७ पर्यंत सर्वांसाठी विमा’ या उद्दिष्टाच्या पूर्तीमध्ये योगदान देण्यासाठीही बांधील आहोत.”
सुंदरम फायनान्सचे व्यवस्थापकीय संचालक राजीव लोचन या भागीदारीबद्दल म्हणाले, “सुंदरम फायनान्समध्ये, आमच्या ग्राहकांना सर्वच बाबींच्या केंद्रस्थानी ठेवण्याप्रती आम्ही कायम बांधिलकी राखली आहे. गेल्या ७० वर्षांहून अधिक काळापासून आम्ही अनेक पिढ्यांशी आर्थिक सेवांच्या पलीकडे जाणारे विश्वासाचे नाते उभे केले आहे. आम्ही आमचे यश व आकांक्षा यांच्या माध्यमातून ग्राहकांच्या आयुष्याचा भाग झालो आहोत. एचडीएफसी लाइफशी झालेल्या भागीदारीमुळे आम्हाला देशभरातील कुटुंबांना सुरक्षितता व मन:शांती पुरवणारी आयुर्विमा उत्पादने देऊन त्यांच्याशी असलेले नाते अधिक दृढ करण्याची मुभा मिळणार आहे. भविष्यकाळाचा विचार करता, आमची विश्वासाची परंपरा आणि एचडीएफसी लाइफची नवोन्मेष्कारी उत्पादने यांचा मेळ घालताना आम्हाला विशेष आनंद होत आहे. कारण, त्यामुळे आमचे ग्राहक, मग ते कोणीही असोत, आणि त्यांच्या पुढील पिढ्या संरक्षित व सक्षम असणार आहेत.”
