- मुंबई, 28 सप्टेंबर 2025:* सलग दोन यशस्वी हंगामांनंतर भारतातील अग्रगण्य टेनिस-बॉल T10 स्पर्धा इंडियन स्ट्रीट प्रीमियर लीग (ISPL) तिसऱ्या सीझनसाठी सज्ज आहे. यावेळी ती अधिक व्यापक, चांगली आणि धाडसी ठरणार आहे. आठ संघांचा समावेश असलेली ही स्पर्धा 9 जानेवारी ते 6 फेब्रुवारी 2026 दरम्यान सुरत येथे आयोजित केली जाणार आहे. यंदाच्या नवीन हंगामातील ठळक वैशिष्ट्य म्हणजे मोस्ट व्हॅल्युएबल प्लेयरला (MVP) एक नवीन पोर्श 911 मिळेल. जी जागतिक क्रीडा स्पर्धा तसेच त्याच्या मानकांशी जोडले जाण्यासाठी लीगचे प्रयत्न यामुळे अधोरेखित होतील.
आयएसपीएलचे कोअर कमिटी सदस्य सचिन तेंडुलकर, आशिष शेलार, मीनल अमोल काळे, लीग कमिशनर सूरज सामत, लीग ऑपरेशन्सचे अध्यक्ष दीपक चौहान आणि अहमदाबादच्या नवीन संघाचे मालक सुपरस्टार अजय देवगण यांच्या उपस्थितीत झालेल्या पत्रकार परिषदेत ही घोषणा करण्यात आली.
*स्थिर विस्ताराच्या मार्गावर*
2024 मध्ये स्थापना झाल्यापासून, आयएसपीएलने पहिल्या दोन हंगामात उल्लेखनीय यश मिळवले आहे. यामुळेच दर्शक संख्या आणि स्टेडियममधील उपस्थिती दरवर्षी लक्षणीयरीत्या वाढते आहे. या लीगने असे काही गुणी खेळाडू देखील निर्माण केले आहेत जे पुढे राष्ट्रीय स्तरावरील प्रमुख खेळाडू ठरले आहेत. अभिषेक दल्होर, सागर अली, रजत मुंढे, केतन म्हात्रे, जगन्नाथ सरकार आणि फरदीन काझी यांसारखे प्रतिभावान खेळाडू आपल्या खेळामुळे घराघरात प्रसिद्ध झाले.
विद्यमान रोस्टरमध्ये दोन नवीन संघांचा समावेश झाल्यामुळे सीझन3 ही एक विस्तारित स्पर्धा असेल. आता अहमदाबाद आणि दिल्ली या आयएसपीएल कुटुंबात समाविष्ट झाले आहेत. सुपरस्टार अजय देवगण आणि सलमान खान हे या संघांचे संघ मालक आहेत.
*आयएसपीएलला देशभरात उत्तम प्रतिसाद*
स्पर्धेसाठीच्या निवड चाचण्यांचे वेळापत्रक देखील जाहीर करण्यात आले आहे. या लीगमुळे हजारो प्रतिभावान खेळाडूंना त्यांची प्रतिभा दाखवण्यासाठी, स्पर्धा करण्यासाठी आणि लीगमध्ये स्थान मिळविण्यासाठी एक मंच मिळाला आहे. या कार्यक्रमात अधिकृत गट सोडतींचे अनावरण देखील करण्यात आले, ज्यामुळे एका आक्रमक आणि मनोरंजक स्पर्धेसाठी पाया तयार झाला. या स्पर्धेच्या लोकप्रियतेमुळेच सीझन 3 मध्ये आधीच 4.3 दशलक्षाहून अधिक खेळाडूंची नोंदणी झाली आहे.
शेलार यांनी सीझन 4 साठी झोनल इन्स्टिट्यूशन अँड सिलेक्शन टूर्नामेंटची अंमलबजावणी करण्याची घोषणा केली. हा एक क्रांतिकारी उपक्रम आहे जो आयएसपीएलमध्ये सहभागी होणाऱ्या प्रतिभेला नियोजनबद्ध, प्रादेशिकदृष्ट्या एकात्मिक स्काउटिंग आणि विकास प्रक्रियेद्वारे बळकट करण्यासाठी तयार केला आहे. लीगच्या या विचारामुळे देशाच्या कानाकोपऱ्यातील प्रतिभेला राष्ट्रीय स्तरावर निश्चितपणे मान्यता मिळेल याची खात्री होते.
*आयएसपीएलचे कोअर कमिटी सदस्य श्री. सचिन तेंडुलकर* म्हणाले: “केवळ एक लीग एवढ्यापुरतीच आयएसपीएलची भूमिका मर्यादित नाही. तर ते त्यापलीकडे विकसित झाले आहे. भारतीय क्रिकेटमधील प्रतिभा ओळखण्याची आणि त्यांचे संगोपन करण्याची अशी त्याची एक चळवळ झाली आहे. सीझन ३ सह, लीग अजून विस्तारते आहे, खेळाडूंना राष्ट्रीय स्तरावर त्यांचे कौशल्य दाखविण्यासाठी अधिक संधी निर्माण करत आहे. हा विस्तार तळागाळातील क्रिकेटचा पाया मजबूत करतो आणि याचा परिणाम देशभर दिसेल, असा मला विश्वास आहे.”
*कोअर कमिटी सदस्य श्री. आशिष शेलार* म्हणाले: “मी आयएसपीएलला एक परिवर्तन घडवून आणणारी पुढाकार म्हणून पाहतो. हे प्रतिभेला स्वतःला सिद्ध करण्यासाठी एक व्यासपीठ देत असून क्रिकेटच्या भविष्याला आकार देण्यास मदत करत आहे. लीगसाठी नवीन स्थळाची निवड हीदेखील आपल्या या वचनबद्धतेचे प्रतीक आहे की आपण हा खेळ पारंपरिक केंद्रांपलीकडे नेऊन अशा प्रदेशांपर्यंत पोहोचवू इच्छितो, जिथे क्रिकेटविषयीची आवड आणि उत्कटता प्रखर आहे. आम्ही सादर करत असलेले ‘झोनल इन्स्टिट्युशनल मॉडेल’ हे दूरदृष्टी दाखवणारे पाऊल आहे. हे फक्त आयएसपीएलसाठीच नव्हे तर संपूर्ण भारतीय क्रिकेटसाठी गोरगरिब पातळीवर प्रतिभेची ओळख करून तिचा विकास करण्यासाठी एक मजबूत, संरचित व्यवस्था निर्माण करेल.”
*कोअर कमिटी सदस्या मीनल अमोल* काळे म्हणाल्या: “प्रत्येक नवीन हंगामात, आयएसपीएल नवनवीन अडथळे दूर करते आहे. नवीन प्रतिभा समोर आणते आहे तसेच पात्र खेळाडूंना एक चांगली संधी देते आहे. सीझन 3 हा आमचा सर्वात महत्त्वाकांक्षी सीझन आहे आणि तो या लीगचे खऱ्या अर्थाने प्रतिनिधित्व करतो. सुरतला या सीझन 3 चे यजमानपद देऊन, क्रिकेटला त्याच्या मुळांकडे परत नेण्याचे, तळागाळातील समाजाला सक्षम करण्याचे आणि स्थानिक क्रीडांगणांना राष्ट्रीय स्तरावर रूपांतरित करण्याचे आमचे ध्येय आहे.”
*लीग कमिशनर सूरज समत* म्हणाले: “केवळ तीन हंगामातच, आम्ही एका धाडसी कल्पनेचे भारताच्या तळागाळातील क्रीडा परिसंस्थेची पुनर्परिभाषा करणाऱ्या चळवळीत रूपांतर केले आहे. पोर्श 911 चा एमव्हीपी पुरस्कार म्हणून समावेश ही काही केवळ एक सनसनाटी बातमी नाही; तर तो एक संदेश आहे. 1985 मध्ये रवी शास्त्री यांनी त्यांच्या कामगिरीसाठी ऑडी जिंकली होती त्याप्रमाणेच, हे खेळाडूंना मोठी स्वप्ने पाहण्यास आणि अधिकाधिक उत्तम कामगिरी करण्यास प्रेरित करण्याबद्दल आहे. खेळात उत्साह, शिस्त आणि कामगिरी आणली की जागतिक पातळीवरील मान्यता नक्कीच त्यांच्या आवाक्यात असेल, हा विश्वास आयएसपीएल पाहणाऱ्या किंवा खेळणाऱ्या प्रत्येक तरुणात रुजवण्याचा आमचा मानस आहे.”
*अहमदाबाद फ्रँचायझीचे मालक अजय देवगण* म्हणाले: “क्रिकेट हा असा खेळ आहे जो सगळ्यांना एकत्र आणतो आणि आयएसपीएल त्या प्रामाणिक भावना उत्तम प्रकारे व्यक्त करतो. अहमदाबादने मला नेहमीच अपार प्रेम आणि पाठिंबा दिला आहे. सिनेमाप्रमाणेच, क्रिकेट ही येथे एक सांस्कृतिक घटना आहे आणि मला माहित आहे की येथे खूप अप्रयुक्त प्रतिभा त्यांचे कठोर परिश्रम आणि कौशल्य दाखवण्यासाठी वाट पाहत आहेत. आयएसपीएलमधील आमच्या टीमद्वारे, मला आशा आहे की आम्ही नवीन नायकांना समोर आणू शकू. खेळात जीवन बदलण्याची शक्ती आहे आणि मी सीझन 3 मध्ये घडणाऱ्या कृती पाहण्यास उत्सुक आहे.”
‘राईज ऑफ आयएसपीएल’ हा अधिकृत माहितीपट देखील लीगने लाँच केला आहे. यात रस्ता ते राष्ट्रीय मैदानापर्यंतच्या प्रेरणादायी प्रवासाचे वर्णन आहे.
आयएसपीएलमध्ये स्टार टीम मालकांची एक मोठी यादीच आहे, त्यात आता सलमान खान (नवी दिल्ली फ्रँचायझी) आणि अजय देवगण (अहमदाबाद फ्रँचायझी) यांचा सहभाग झाला आहे. याव्यतिरिक्त अमिताभ बच्चन (माझी मुंबई), सैफ अली खान आणि करीना कपूर खान (टायगर्स ऑफ कोलकाता), अक्षय कुमार (श्रीनगर के वीर), सुरिया (चेन्नई सिंगम्स), हृतिक रोशन (बंगलोर स्ट्रायकर्स) आणि राम चरण (फाल्कन रायझर्स हैदराबाद) यांचा समावेश आहे.
सीझन 3 च्या निवड चाचण्या 5 ऑक्टोबर 2025 पासून सुरू होणार असून त्या 101 शहरांमध्ये होणार आहेत.
आयएसपीएलने प्रत्येक संघातील खेळाडूंची संख्या 18 पर्यंत वाढवली आहे, यात 19 वर्षांखालील दोन खेळाडूंचा समावेश अनिवार्य आहे. यामुळे देशभरातील उदयोन्मुख प्रतिभेसाठी अधिक संधी निर्माण झाल्या आहेत. याव्यतिरिक्त, संघाच्या निधीत 50% वाढ करण्यात आली आहे, जी आता ₹1.5 कोटी इतकी निश्चित करण्यात आली आहे. यामुळे फ्रँचायझींना मजबूत, अधिक स्पर्धात्मक संघ तयार करण्याची संधी मिळते.
